الملتقى الثقافي في سفوان ... وما صدح به قلب

زنجيل من الزهيري بحق أعضاء وشعراء الملتقى الثقافي



وهو بعنوان .. يا هله





بخاطري مرّت صوّر يهل الشعر ياهله



للعنده بيه معرفه موش الذي ياهله



والشعر لهل العكَل معلوم لن ياهله



ريح القوافي أجت وبحرت بيه سفان



وأشواكَ كَلبي أحدرن صوب الشعر سفان



أذكر أعلام الشعر في ملتقى سفان



وأبدي بلذيذ الشعرغض ونظر عوده



بناي البوذيه كتب وزهيري رن عوده



معروف ذاك اقصده هاشم ابن عوده



ومحروس من البشر هادي البشر ياسين



اسمع جوابي جلي يل أسألت ياسين



المشرفاوي ولج بحر الشعر ياسين



والله يا ها الخلكَ أحلف وانه القاسم



مقسوم عذب النظم واللي اله قاسم



الخيكَاني من يكتبه برّقه ونسج قاسم



وبفيض لذة عشكَ غيمه يكت لو مطر



وليّل بوجد الهوى وللساع فجره مطر



عنده القصائد جوى الصالحي احمد مطر



ولو ثار حجيه فشكَ برنو ومنه البدو



بشعر النبط لو كتب جشعمي لسان البدو



أبن حزام وأسمه عوض بادي بشموخ البدو



وببياته كلش سلس ويكّود بيده رسن



والصوّر لو تيّهن يم جرف نظمه رسن



الحجامي حجيه نغم يحمود يا أبن رسن



واتذوب بالعاطفه لو سمعالك شعر



والجاسي لابد يرق والزوم بالوّن شعر



من حيث محسن علم رفرف بسوح الشعر



بفن الفكاهه ملك وأيطره النه بدر



وأن جان غيره نجم نكَدر نوصفه بدر



يرسم الضحكه غصب لو يلقي يمّك بدر



وحمود ناصر صدك لوله كَعد ينشد



دغدغ شفاف الكَلب بيه الجرح ينشد



والأصل هم صالحي للي عليه ينشد



بروح الشباب أعتقد أسمه سطع وألقه



واثق حسين بشغف لو سمّعك وألقه



بنبض الخواطر شجي منّه أحس وألقه



وموج السعيدي هدر دهدار ماحد فكر



محمد يجافي ويصد فارس تخافه وفكر



يلظم أرواح الصوّر وركَاب يجمع فكر



وصوت السكيني حسن فوكَ المنصه سمر



البيض المحاسن كَصد وبدربه مر عل سمر



ينجر قوافي الشعر ببياته يسمر سمر



ولو ساجل أشهد أله الملعب يجسمه وصال



يحلاله بيها الحجي يجس الغميج أوصال



بهلول لو هد رعد دراجي جال وصال



مشعل لذيذ وجزل راقي وسلس منهجه



شاب ويجيد الغزل دنيا الهوى منهجه



يحمد جميل الطبع بس للبطل منهجه



ومسير صوب الزجل يوصل نبعها ويرد



يتعنى متن الصعب ما يكَع عنها ويرد



يتنكَه راوي وحوى منجل حصاده ويرد



وفيصل الياهن بعد جنحان شوكَه نشر



بأصبع دلال وغنج لو ردنه صوبه نشر



خطّه شبابي وضح وأسمه بسمائه نشر



نسجل هشام ونحط وي كوكبه من هم



عاشكَ يروض الأدب حكَ ينحسب منهم



يخطي بركاده وثكَل عكس الذي من هم



وأذكر عماد الذي ملتزم بالنص وجد



دراجي روح ونفس عماً وخالاً وجد



واليجتهد بالعمل معلوم تالي وجد



وأحمدلطيف أمتلك موهبه زائد نصف



يحجي بأناقه وفطن والذكر ذنّي نصف



أشعاره عنّه حجن ما حاجه أبداً نصف



أما جميل الذكر عبدالله أبن موحان



مو موح واحد صدح أشهد أله موحان



بستان شعره نضج منه القطف موحان



أما الظفيري فقد واعد هلاله سهل



هل بقوافي خضر طارحن عشب وسهل



محمد يصوغ الشعر واضح جلي وسهل



محمد الماجد خطى بدرب القوافي وسار



لحبابه سر ما كتب ألهم حجاله وسار



وكَلب اليسمعه أنشرح منه بسعاده وسار



بانت أسامه أله المياحي فيما روى



من شعره نفحة شجن والعطش منها روى



نشوه المواسم عبر والثمر بيهن روى



والملتقى من يجي يعلن أله يا هلا










تحياتي