هذا هوَ علي عليه السلام بقلم الشاعر احمد الانباري

من طرف احمد الانباري السبت أغسطس 27, 2011 7:47 pm

هـذا هـوَعــلي (ع)

بـقـلـم الـشـاعـر الـمُـبـدع
أبـو صـلاح الـسـاعـدي

ياقمة شجاعه والك بيها اشهود ،،، وقمة بالتواضع والحزم والين
علي مو سيف شايل شايل الكون ،،، شال الكاع كلها بطرك جفين
شال الكاع بيده بقوة الجبار ،،، والسر المختفي بقوة ابو السبطين
شال الكاع كلها وطكها بالكاع ،،، وصاحت ياعلي حتى المجانين
علي لمن رفع بكل جف رفع كاع ،،، علي لمن رفع بجفوفه كاعين
سيفك ياعلي متكابله سيوف ،،، في كل المعارك صار سيفين
حصتك بالمعارك بس الأبطال ،،، تكتله بلاشفاعه اتلقنه تلقين
وبدليل الي تضربه يظل واكف ،،، على راسه اثر مشطور شطرين
مثلك ياعلي ماحكموا الحكام ،،، ولا مثلك فطاحل خدموا الدين
لآن قرآن ناطق ياعلي ايسموك ،،، وبصدرك حفظته حكمه وتدوين
وعلم تفسيره عدك من الألف للياء ،،، وعلامات القواعد كلها والتنوين
ياعلم الفلك وشماحوى من انجوم ،،، بزمن تعبد الناس اصنام من طين
العلم مدرسته انته بالسما وبالكاع ،،، اجه من الله العلم ماجاي تخمين
يميزان العداله ويرجف الميزان ،،، عدل حكمك وبيه عداك راضين
يانهج البلاغه وسيف بالتعبير ،،، بحار انته علومك كل علم بحرين
ابواب العلم بس انته سيدها ،،، والباقي عبيدك تستمع زين
شمس علمك يظل ويشع على الكون ،،، وشمس الكون عدنا اتصير شمسين
المشاكل انت حلها وانته سيدها ،،، تحل العاصيه برمشه جفن للعين
امير وتشتغل ويه الناس فلاح ،،، وصحبانك الفقره وبيك فرحانين
زرعت الكاع بيدك خضرت خير ،،، بجهودك سيدي طكت بساتين
وخبز اشعير تاكل لمن اجوع ،،، وتنطي لليتامى التمر والتين
ثلث تيام صايم وانته جوعان ،،، لآن زادك كرمته للمساكين
بغدر منك خذوها وهيه الك جانت ،،،، وبيك النبي اموصي وهمه متفقين
انته سيدي كلك كرم واخلاق ،،، وانته الماردتها وهمه طماعين
وصاك النبي من بعده انته اتصير ،،، خذوها بيا وجه ذوله الملاعين
ولقيط انته يغدرك شلون رهمت هاي ،،، يطبرك وانته تدري وشفته بالعين
غسل محراب دمك وانته تعفيه ،،، وعفيته من كلت احسابه بعدين
وصيت الحسن كتله اسيري هاذ ،،، الك ضربه من اموتن مو ضربتين
طكه الحسن طكه وكف مذهول ،،،، لمن حركوه شو وكع نصين
صرت كبه ومناره وصرح فوك الكاع ،،، يلمع من ذهب شما فلشاه البين
ويظل تاريخ اسمك يرهب العدوان ،،،، رغم طول الزمن وبعد العناوين
من نذكر اسامي صدك يزعلون ،،، خلها اتظل لغز وبغير تعين

من طرف سيف العراقي الثلاثاء سبتمبر 06, 2011 1:59 am

جميل جدااا ننتضر المزيد تحياتي

هذا هوَ علي عليه السلام بقلم الشاعر احمد الانباري

هذا هوَ علي عليه السلام بقلم الشاعر احمد الانباري

رد: هذا هوَ علي عليه السلام بقلم الشاعر احمد الانباري