قصائد لامير المؤمنين ع/ مجموعه ثانيه/

من طرف احمد الانباري السبت أغسطس 27, 2011 7:52 pm

يا صاحب ألغيبه اظهر . ها ليله طبرة حيدر
جدّك علي بمحرابه . سيف النواصب صابه
هاليله طبرة حيدر
************
وينك يوّعد ألقدره . سيف ألضلال تمادى . وعله الوصي أتقدم
يا حجة الله وسره . يوم السقيفه عاده . و راد الركن يتهدم
ابن ألمرادي بغدره . يالمهدي وبإلحاده . خضّب عقيدتنه بدم
خان بغدر والينه . واختاله يا مهدينه
بيدك نريد أحسابه . سيف النواصب صابه . ها ليله طبرة حيدر
**********
يبن الحسين ألدينك . حزب اليهود أتربص . قرر يهد أركانه
عن نصرة الحق وينك . خصمك بدت تتقمّص . ثوب الجهاد أعوانه
نرقب شُعاع أجبينك . من الظلم يتخلّص . ويطر فجر دنيانه
يمته الفرج دلينه . خلصت عمرنه اسنينه
نار الصبر لهّابه . سيف النواصب صابه . ها ليله طبرة حيدر
**********
ضجّت يمهدي الكوفة . صوت المنادي ينادي . من دمّه حيدر خضّب
وحضرت تريد أتشوفه . أيتامه يبن الهادي . أببابه توّن وتنحب
وبدمعة المذروفة . وعله الوجه هم بادي . طلعت عليهم زينب
گالو علي شخباره . وتجمعوا يم داره
گألت بليغ أصوابه . سيف النواصب صابه . ها ليله طبرة حيدر
***********
بفراشه جدك حيدر . ويه الألم يتصارع . وأنطه الوجه ألوانه
يمّه الحكيم أتحسر . وعيونه دم تتدامع . حيدر عرف عنوانه
صاح الشبير وشبّر . گلهم أريد اتوادع . وبزينب أرد أوصي انه
بيد الكفيل أيديها . حطها ونخاه أعليها
وتوفه بين أحبابه . سيف النواصب صابه . ها ليله طبرة حيدر
***********
حالت الم عاشتها . زينب عگب واليها . يبن الحسن واحتارت
چم فأجعه الشافتها . وبلوعة مرّت بيها . أم المصايب صارت
ما تنوصف حالتها . كل موقف ايبچيها . بيها النوايب جارت
شافت جثث إخوتها . خيل العدى داستها
ولدمعه دم سچابه . سيف النواصب صابه . ها ليله طبرة حيدر
**************
*************************
ينعه فگدك كل عراقك يا علي . من عفتنه الهسه يا نعم الولي
***************
ينعه فگدك كل موالي وبالألم
وبدموع اللوعة وبحسره وندم
همّه جرحك بينه عاش منا لقدم
بينه باقي يا علي وما ينجلي
**********
ينعه فگدك كل محب وانته الحبيب
يلي جرحك لسه ما يقبل يطيب
وألنه حزنك يا ولينه أصبح نصيب
وال يحبك دومه بالهم متبلي
***********
ينعه فگدك كل شخص شايع إلك
وكل موالي يا علي بحزحك هلك
لن مُصابك يا علي بچه الفلك
وكله كونك دمعته بدم اتهلي
************
ينعه فگدك كل شخص شيعي شريف
يلي للناس أصبحت انته الوليف
بينه جرحك يا علي وذاك النزيف
بكل مهجنه وعشنه بين العللي
*************
ينعه فگدك يالمحب كلمن هواك
وعينه بالدم تهمل ويصرخ فداك
ماله معنا يا علي العمر أبّلاك
يالعفتنه وما أظن مثلك يلي
************
***************************
عليٌ لم يزل دمعُ بكاكا .. على وجهِ الذي اختارهَ وِلاكا
دُموما وا دُموما وا دُموما .. دُموما وا دُموما وا دُموما
********************************
عليٌ قد مضى وقتٌ طويلُ . على الجُرحِ الذي دما يسيلُ
ونحنو لا نرى ألا قليلُ . وأنت ألليله مولانا قتيلُ
لذا نحنو هرعنا با لعويلُ . وسال الدمعُ مذروفا لِذاكا
دُموما وا دُموما وا دُموما .. دُموما وا دُموما وا دُموما
*************************
بكينا بالدمى نحنو ونِحنا .لأنا جُرحُكَ ألليله سَمِعنا
أتينا تُرفعُ الأصوات مِنا . عليٌ فيكَ نحنو قد فُجِعنا
وأشعثا يا إمامي نحنو ِجئنا. وكلُ شخصُ مِنا قد بَكاكا
دُموما وا دُموما وا دُموما .. دُموما وا دُموما وا دُموما
**************************
بألأم ألبكا حُزنا أتينا. وأحزان الردى مِنها بكينا
كؤوسا علقما نحنو سُقينا . وذاك الجُرحُ ياكرارِ فينا
جرا دما ونحنو قد أوذينا . وكُلٌ سيدي حُزنا نعاكا
دُموما وا دُموما وا دُموما .. دُموما وا دُموما وا دُموما
**************************
غدا دهرُ البلاء فينا مُفرق . وبالحُزنِ بدّا في الأيدي يُثق
ومن ثمَ بِِنا قد هم َ يُحرق . وفينا في المآسي كانَ يُغرق
عبيداً نحنو للجُرحِ ومن رِق . وأسرى قد مكثنا في تناكا
دُموما وا دُموما وا دُموما .. دُموما وا دُموما وا دُموما
**************************
وأملاك السماء بالحُزنِ صاحت . سيوفاً للعِدى بالغدرِ لاحت
نواياها اغتيالٌ حيثُ راحت . بِضربِ الرأس والأركان طاحت
قلوبٌ وا نفوسٌ فيه ناحت . وصاحت خُضبت فينا دِماكا
دُموما وا دُموما وا دُموما .. دُموما وا دُموما وا دُموما
*************************
**********************************
داحي الباب يشيعه داحي الباب . عن هله غاب يشيعه عن هله غاب
خان بيه ابن الدعي . وانطبر رأسه علي
هذا المصاب يشيعه هذا المصاب
************
لاح فجر النايبه ولاحت سيوف الغدر
من توّجه حيدره الكوفته أيصلي الفجر
هام خلفه ابن الدعي بسيف الحاد وكفر
صوّبوه بهامته . وحنّه بالدم شيبته
أبحر الصواب يشيعه . داحي الباب
*********************
فاض دمه بهامته حيدر وعالي هتف
يا ألاهي قربه الك هذا دمي ألي نزف
مني قربان اقبله والقبول أعظم شرف
دمه قربه قدمه . حيدر الرب ألسمه
هذا لخطاب يشيعه . داحي الباب
**********
حيدر الكل تعرفه وتشهد ألشخصه الحرب
يعجز ألي يوصفه فاق شجعان العرب
حيدر الدر لقبه الهادي واسمه من الذهب
ألليله فارگنه ورحل . يا دمع غرگ المُقل
والوجه ذاب يشيعه . داحي الباب
************
يا لحديت بحيدره تاني خلنه انو ادعه
بالمُهج نار أنشبت والبصا ير دامعه
من صميم الوالته ها لمدامع نابعه
صوت گلب إلي يحب . حيدر أيصيح بنحب
تبچي الأحباب يشيعه . داحي الباب
**********
ألليله كونين البچت الحيدر بدمع ألدمه
ألليله أضحت دنيته الواله حيدر مظلمه
ألليله محزونه وتون وتنعه أملاك ألسمه
ألليله محزون الفلك . وبدرب حزنه سلك
والگلب شاب يشيعه . داحي الباب
*******************************
حين الطلع حيدر علي بره الدار
صد للسمه أتذكر حديث المختار
اشدد حيازيمك هتف حامي الجار
هالليله ابن عمي گال هامك تصب أدماها
*******
علم اليقين أصبح اله ألليله أمصاب
وتوضحت في باله عدة أسباب
ومن چلبت ردنه ألقميصه بالباب
اعلم حچاها بلا ريب هالليله چنت اتناها
********
شال الجدم حيدر علي وتعنه
لاچن إوز دربه عليه گطعنه
شالن جناح أبنيت أيمنعنه
لاچن علي لمر الله روحه بصدق بذلاها
*******
أكمل مسيره ومتجه للكوفه
وبحاله يا شيعي فلا موصوفه
يمشي ودمعته من المقل مذروفه
يهملها شوقا لله وهالّحضه يتمناها
للمسجد بحين الدخل شاهد بيه
بن ملجم بسيف الغدر ومتانيه
بعيونه صدله وعاين الوالي عليه
ويخبّي بأحضانه السيف نومت غدر سواها
*******
إذن علي يا شيعه الله اكبر
اكبر كبير أول وماله أخر
رب العلى وحده الإله القادر
سبحانه خلاق أكوان لا خله في دنيها
*******
ساعة سجوده الوالي والكافر لاح
بسيف اليهود البالدمه ضل سفاح
طر هامت الحيد وترك بيها أجراح
وتحنّه بدموم الهام حين الفجر صلاها
*******
عالي هتف حيدر ورب ألكعبه
بيها فزت هسه ودعائي تلبى
جدا صدق الهادي حين تنبأ
والدم على اجبينه أيسيل واللحيه دم حناها
**********************************

من طرف سيف العراقي الثلاثاء سبتمبر 06, 2011 2:00 am

جميل جدااا ننتضر المزيد تحياتي

قصائد لامير المؤمنين ع/ مجموعه ثانيه/

قصائد لامير المؤمنين ع/ مجموعه ثانيه/

رد: قصائد لامير المؤمنين ع/ مجموعه ثانيه/